روس کے شہر ولادی وستوک میں ایسٹرن اکنامک فورم کے موقع پر صحافیوں کے سوالوں کے جواب دیتے ہوئے وزیراعظم نریندر مودی کا کہنا تھا کہ ہندوستان کا خلیج فارس میں فوجیں بھیجنے کا کوئی ارداہ نہیں۔انہوں نے خلیج فارس میں جہازرانی کے تحفظ کو ضروری قرار دیا۔امریکہ کی فوجی موجودگی کی وجہ سے خلیج فارس کے علاقے میں سخت کشیدگی پیدا ہوگئی ہے۔ امریکہ خلیج فارس میں جہازرانی کے تحفظ کے نام پر سمندری اتحاد قائم کرنے کی بھی کوشش کر رہا ہے تاہم دنیا کے بیشتر ملکوں نے ایسے کسی بھی اتحاد میں شمولیت سے انکار کردیا ہے۔