ایران کی وزارت صحت کی ترجمان سیما سادات لاری نے اعلان کیا ہے کہ گذشتہ چوبیس گھنٹے کے دوران کورونا کے ایک سو پچپن مریض دم توڑ گئے اور اس طرح جاں بحق ہونے والے کورونا مریضوں کی مجموعی تعداد چونسٹھ ہزار انتالیس ہو گئی ہے۔

انھوں نے کہا کہ گذشتہ چوبیس گھنٹوں کے دوران ایران میں کورونا کے بائیس ہزار چار سو اٹھہتر نئے معاملات سامنے آئے ہیں جن میں سے دو ہزار پانچ سو سڑسٹھ مریضوں کو اسپتالوں میں داخل اور باقی کو دوائیں اور ضروری طبی ہدایات دے کر گھروں کو واپس بھیج دیا گیا۔

انھوں نے کہا کہ اب تک سولہ لاکھ، ترانوے ہزار، پانچ سو اکیاسی کورونا مریض صحتیاب اور اسپتالوں سے ڈسچارج ہو چکے ہیں۔

واضح رہے کہ دنیا میں اب تک تیرہ کروڑ چالیس لاکھ سے زائد لوگ کورونا میں مبتلا اور انتیس لاکھ سترہ ہزار سے زائد افراد اس بیماری میں لقمہ اجل بن چکے ہیں۔