اسلامی جمہوریہ ایران کی مسلح افواج کے نائب کوارڈینیٹر کا کہنا ہے کہ ایرانی بحریہ کے جنگی بیڑے کا کارواں پہلی بار  بحر اوقیانوس میں بغیر کسی ملک کی بندرگاہ کی مدد کے لنگر انداز ہوا۔

ایڈمیرل حبیب اللہ سیاری کا کہنا ہے کہ بحریہ کے اس جنگی بیڑے کے کارواں میں متعدد چھوٹے بڑے بیڑے شامل ہیں جس میں مکران جنگی بیڑا اور مقامی ٹکنالوجی سے بنايا گیا سہند ڈسٹرائیر بھی شامل ہے۔

ایڈمیرل حبیب اللہ سیاری نے کہا کہ عالمی آبی سرحدوں پر ایرانی بحریہ کی موجودگی حق مسلم ہے اور ملک کی مسلح افواج اس راستے کو پوری طاقت کے ساتھ جاری رکھے گی۔