شام میں دہشت گردوں کے قبضے سے مختلف علاقوں کو آزاد کرائے جانے کی کارروائی بدستور جاری ہے۔

المیادین ٹی وی کے مطابق شامی فوج نے دہشت گرد گروہوں کے خلاف کارروائی جاری رکھتے ہوئے مزید کئی علاقوں منجملہ حلب کے مشرقی مضافات میں واقع قصبے النجادہ کو دہشت گردوں کے قبضے سے آزاد کرالیا ہے۔

دہشت گردوں کے مقابلے میں شامی فوجیوں کو حاصل ہونے والی مسلسل کامیابیوں کے بعد مسلح دہشت گرد گروہوں نے رہائشی علاقوں پر حملے شروع کر دیئے ہیں۔ رہائشی علاقوں کو نشانہ بناتے ہوئے مسلح دہشت گردوں نے حلب پر کلسٹر بم گرائے اور دیگر خطرناک ہتھیاروں سے حملہ کیا۔ ممکنہ نقصان کے بارے میں ابھی تک کوئی رپورٹ موصول نہیں ہوئی ہے۔