عراقی وزیر اعظم نے حکومت اور عراقی کردستان کے علاقے کے درمیان کشیدگی کم کرنے کا مطالبہ کیا ہے-

عراق کی المسلہ ویب سائٹ کی رپورٹ کے مطابق، عراقی وزیر اعظم حیدر العبادی نے سرکاری ٹی وی چینل کے ساتھ گفتگو میں کہا کہ کردوں اور حکومت کے درمیان کشیدگی، کسی کے بھی فائدے میں نہیں ہے اور عراقی کردستان کے علاقے کی علیحدگی کے تعلق سے ریفرنڈم کرائے جانے سے صرف حالات کشیدہ ہی ہوں گے۔

گذشتہ ہفتے عراقی صدر فواد معصوم نے بھی اس ملک کی ارضی سالمیت اور وحدت پر تاکید کرتے ہوئے کہا تھا کہ عراقی کردستان کے علاقے کی علیحدگی و خودمختاری، حکومت کے لئے بہت زیادہ مشکلات کا باعث بنے گی-

واضح رہے کہ اس سے قبل عراقی کردستان کے علاقے کے سربراہ مسعود بارزانی نے کہا تھا کہ اس علاقے کی خودمختاری کے لئے وہ ریفرنڈم کرائیں گے-