عراقی فوج نے اس ملک کے صوبے الانبار میں درجنوں دہشت گردوں کو ہلاک کردیا

العالم کی رپورٹ کے مطابق عراقی فوج نے صوبہ الانبار کے البغدادی علاقے میں داعش کے تیس سے زائد دہشت گردوں کو موت کے گھاٹ اتار دیا- عراقی فضائیہ نے بھی اس ملک کی فوج اور سیکورٹی فورسز کے تعاون سے، صوبہ الانبار کے الرطبہ علاقے میں داعش دہشت گردوں کے چار ٹھکانوں کو تباہ کردیا-

دوسری جانب سیکورٹی فورسز نے مشترکہ آپریشنل کمان اور عراقی فضائیہ کے تعاون سے، صوبہ کرکوک کے علاقے حویجہ میں داعش دہشت گردوں کے ٹھکانوں کو تباہ کردیا - اسی طرح داعش کے متعدد دہشت گرد، جو صوبہ نینوا میں بل القیارہ کے نزدیک اکٹھا ہوئے تھے ، عراقی فوج کے حملے میں ہلاک اور ان کے  ہتھیار اور بم بھی تباہ ہوگئے-