افغان طالبان کے ترجمان قاری یوسف احمدی نے کہا ہے کہ طالبان کے افراد کی صوبہ ہلمند میں افغان فوج کے اہلکاروں کے ساتھ جھڑپ ہوئی ہے۔

ریڈیو تہران کی پشتو سروس کی رپورٹ کے مطابق طالبان کے ترجمان قاری یوسف احمدی نے دعوی کیا کہ طالبان کے افراد نے صوبہ ہلمند کے ضلع سنگین میں افغان فوج کے ساتھ ایک جھڑپ میں اس کے پچیس فوجیوں کو ہلاک کر دیا جن میں دو کمانڈر بھی شامل ہیں۔

طالبان کے ترجمان نے کہا کہ اس جھڑپ کے دوران افغان فوجیوں کا بہت سا اسلحہ بھی طالبان کے ہاتھ لگا ہے۔

ابھی تک افغان فوج کے حکام نے اس خبر پر کوئی ردعمل ظاہر نہیں کیا ہے۔