عراقی فضائیہ کے جنگی طیاروں نے بغداد کے مضافاتی علاقے میں حملہ کر کے داعش کے دسیوں دہشت گردوں کو ہلاک کر دیا-

العہد نیوز ویب سائٹ نے عراقی فوج کے حوالے سے خبر دی ہے کہ عراقی فضائیہ کے لڑاکا طیاروں نے بغداد کے مغربی مضافاتی علاقے میں داعش کے ایک قافلے پر حملہ کر کے کم سے کم چالیس دہشت گردوں کو ہلاک کر دیا- اس حملے میں داعش کی اڑتالیس گاڑیاں بھی تباہ ہو گئیں-

عراقی افواج سے شکست کھانے کے بعد داعش نے بغداد اور دیگر شہروں میں عام شہریوں کے خلاف اپنی دہشت گردانہ کارروائیاں تیز کر دی ہیں-

اس درمیان شمالی عراق کے صوبہ نینوا کی آپریشنل کمان نے اعلان کیا ہے کہ موصل کے جنوبی علاقے میں عراقی لڑاکا طیاروں کے حملے میں داعش کا ایک سرغنہ ہلاک ہو گیا-