عراقی فوج نے موصل کے پچاس فیصد سے زائد علاقوں کو دہشت گردوں کے قبضے سے آزاد کرا لیا ہے۔

موصولہ رپورٹ میں بتایا گیا ہے کہ عراق کے صوبے نینوا میں اکتوبر میں موصل کو آزاد کرائے جانے کے لئے شروع کی جانے والی کارروائی میں اس شہر کے مشرقی علاقے کے چھپّن محلوں میں سے بتّیس محلوں کو داعش دہشت گردوں کے قبضے سے آزاد کرایا جا چکا ہے۔ دوسری جانب عراق کی عوامی رضاکار فورس نے موصل کے جنوبی مغربی علاقے تل عبطہ کا محاصرہ کر کے اطراف کے علاقوں سے اس علاقے کا رابطہ منقطع کر دیا ہے۔ لبنان کے المیادین ٹی وی نے بھی رپورٹ دی ہے کہ مشرقی موصل میں واقع المرور میں عراقی فوج اور داعش دہشت گردوں کے درمیان شدید جھڑپیں ہو رہی ہیں۔