عراق کی رضاکار فورس الحشدالشعبی کے ایک سینئر کمانڈر نےکہا ہے کہ داعش نے اپنی تمام اہم جیلوں کو خالی کرتے ہوئے جنوب مغربی کرکوک کے الحویجہ علاقے سے پسپائی اختیار کرنا شروع کر دی ہے۔

ارنا کی رپورٹ کے مطابق عراق کی رضاکار فورس کے کمانڈر جبارالمعموری نے بدھ کی رات کہا کہ داعش دہشتگردوں نے الحویجہ میں اپنے اڈوں کو خالی کرتے ہوئے اس شہر میں اپنی جیلوں میں بند سو سے زیادہ قیدیوں کو نامعلوم مقام پر منتقل کردیا ہے۔
داعش گروہ، شہر الحویجہ کے سیکڑوں افراد کو نظریاتی اختلافات کی بنا پر قید کرکے تشدد کا نشانہ بناتا رہا ہے۔
صوبہ کرکوک کے ایک مقامی ذریعے نے کہا کہ داعش نے اپنے عناصر کی پچاس سے زیادہ خاندانوں کو جو شہر الحویجہ سے بھاگنے کی کوشش کررہی تھی، قیدی بنا لیا ہے۔