یمن کی فوج اور عوامی رضاکارفورس نے شمالی صوبے الجوف کے صبرین علاقے میں سعودی عرب کے غیر ملکی اتحادی فوجیوکی ایک گاڑی پر حملہ کرکے متعدد جارح فوجیوں کو موت کے گھاٹ اتاردیا ہے۔

یمن کے ایک فوجی ذریعے نے جمعے کو اعلان کیا کہ فوج اور عوامی رضاکارفورس کے جوانوں نے الجوف میں سعودی اتحادی فوجیوں پر حملہ کرنے کے ساتھ ساتھ سعودی عرب کے سرحدی علاقے جیزان میں بھی سعودی فوجی اڈے پر حملہ کیا۔

یمن کے مذکورہ فوجی ذریعے کے مطابق یمن فوج کے توپخانے کے یونٹ نے بھی جیزان کے الخل گاؤں میں سعودی فوجی اڈے پر گولہ باری کی۔

اس درمیان سعودی عرب کےاپاچی ہیلی کاپٹروں نے جیزان میں وادی جارہ کے علاقے میں یمنی فوج کے ٹھکانوں پر سولہ راکٹ فائر کئے۔

سعودی عرب کے جنگی طیاروں نے بھی جیزان میں وادی جارہ اور عسیر کے علاقے مجازہ  میں یمنی فوج کے اڈے پر بمباری کی۔