اسلامی جمہوریہ ایران نے کہا ہے کہ تہران افغانستان میں جنگ بندی کی مدت میں توسیع کا خواہاں ہے۔

اسلامی جمہوریہ ایران کی وزارت خارجہ کے ترجمان بہرام قاسمی نے عیدالفطر کی مناسبت سے افغانستان میں حکومت اور طالبان کے درمیان فائربندی کا خیرمقدم کرتے ہوئے کہا کہ تہران چاہتا ہے کہ اس مدت میں توسیع ہو اور دونوں ہی فریق فائربندی کا احترام کریں۔
وزارت خارجہ کے ترجمان نے امیدظاہر کی کہ فائربندی کے تسلسل سے قیام امن کے لئے ہونے والے مذاکرات کے لئے ایک نئے اور تعمیری دور کا آغاز ہوگا۔
حکومت افغانستان نے عید الفطر کی مناسبت سے ایک ہفتے تک فائربندی کا اعلان کیا ہے - اس درمیان یہ بھی اطلاعات ہیں کہ افغانستان کے صدر اشرف غنی نے فائربندی کی اس مدت میں توسیع کا اعلان کردیا ہے جبکہ طالبان نے کہا ہے کہ وہ فائربندی کی مدت میں توسیع کا ارادہ نہیں رکھتے۔