فلسطینی میڈیا نے ایک ویڈیو جاری کر کے صیہونی فوجیوں کے ہاتھوں ایک فلسطینی نوجوان لڑکی کی گرفتاری کی خبر دی ہے۔

فلسطین الآن کے حوالے سے مہر نیوز ایجنسی کی رپورٹ کے مطابق غاصب صیہونی فوجیوں نے جمعے کو مقبوضہ النقب علاقے کے باشندوں کی سرکوبی کے دوران ایک فلسطینی نوجوان لڑکی کو وحشیانہ طریقے سے زد و کوب کیا۔

اس واقعے کے عینی شاہدین کا کہنا ہے کہ اسرائيلی فوجیوں نے یہ نہیں بتایا کہ انہوں نے فلسطینی لڑکی کو گرفتار کرکے کہاں منتقل کر دیا۔

اسرائیلی فوجیوں نے سنیچر کی صبح ایک بار پھر بڑی تعداد میں مظاہرہ کر رہے فلسطینیوں کی سرکوبی کی۔

فلسطینیوں اور اسرائیلی فوجیوں میں ہونے والی جھڑپوں میں درجنوں فلسطینی زخمی ہوئے جبکہ دسیوں کو گرفتار کر لیا گیا۔