پاکستانی فوج نے شمالی وزیرستان میں بمباری کر کے سترہ دہشت گردوں کو ہلاک اور ان کے متعدد ٹھکانوں کو تباہ کر دیا ہے-

پاکستانی فوج کے شعبہ تعلقات عامہ (آئی ایس پی آر) کے مطابق شمالی وزیرستان میں پاکستان اور افغانستان کے سرحدی علاقے دتہ خیل اور شوال میں پاک فضائیہ کے جیٹ طیاروں نے دہشت گردوں کے ٹھکانوں کو نشانہ بنایا جس کے نتیجے میں سترہ دہشت گرد ہلاک جبکہ بمباری سے دہشت گردوں کے کئی ٹھکانے بھی تباہ ہوگئے۔

ایسے عالم میں کہ جب پاکستانی فوج دہشت گردوں کے خلاف اپنی کارروائی جاری رکھے ہوئے ہے امریکی صدر نے ایک بار پھر پاکستان سے اپنی سرزمین پر دہشت گرد گروہوں کے خلاف مزید مؤثر کارروائی کرنے کا مطالبہ کیا ہے- امریکی صدر باراک اوباما نے کہا کہ شدت پسندوں کے خلاف بلاتفریق کارروائی کی پالیسی درست ہے تاہم پاکستان کو مزید موثر اقدامات کرنے کی ضرورت ہے-