پاکستان نے ہندوستان کو مسئلہ کشمیر پر مذاکرات کی دعوت دی ہے۔

 ذرائع کے مطابق پاکستان کی وزارت خارجہ نے جمعہ کے روز، ہندوستان کی وزیر خارجہ سشما سوراج کو دعوت دی ہے کہ وہ مسئلہ کشمیر پر مذاکرات اور راہ حل تلاش کرنے کے لئے اسلام آباد کا دورہ کریں۔

پاکستان کی وزارت خارجہ نے اعلان کیا ہے کہ ان مذاکرات میں اقوام متحدہ کی قراردادوں کی بنیاد پر راہ حل تلاش کیا جاسکتا ہے۔ مسئلہ کشمیر پر مذاکرات اور پاکستان کا دورہ کرنے کے لئے ہندوستان کی وزیر خارجہ کو یہ دعوت نامہ، اسلام آباد میں ہندوستان کے ہائی کمشنر کو پیش کر دیا گیا۔

واضح رہے کہ مسئلہ کشمیر پر ہندوستان اور پاکستان کے درمیان دیرینہ اختلافات جاری ہیں۔