عدالت سے نااہل ہونے والے نوازشریف مسلم لیگ کے صدر
Oct ۰۳, ۲۰۱۷ ۰۶:۱۷ Asia/Tehran
پاکستان کے سابق وزیراعظم نوازشریف مسلم لیگ (ن) کے بلا مقابلہ صدرمنتخب ہوگئے ہیں۔
الیکشن کمیشن میں پارٹی کی صدارت کے لیے نوازشریف کے مدمقابل پارٹی کے کسی بھی دوسرے رکن کی جانب سے کاغذات نامزدگی جمع نہیں کروائے
اس سے قبل ڈاکٹرطارق فضل چودہری اور رانا محمد افضل نے سابق وزیر اعظم نواز شریف کے کاغذات نامزدگی جمع کرادیئے جسے الیکشن کمشنرنے درست بھی قرار دے دیا تھا۔ کاغذات نامزدگی جمع ہونے کے بعد اسکروٹنی کا عمل مکمل ہوا، جس کے بعد ساڑھے 10 بجے پولنگ کی گئی تھی۔
واضح رہے کہ گزشتہ روز قومی اسمبلی میں الیکشن ریفارمزبل 2017 منظور کرلیا گیا تھا جس کے بعد نوازشریف کے ایک بار پھرپارٹی صدر بننے کی راہ ہموارہوگئی تھی۔
واضح رہے کہ پاکستان کی سپریم کورٹ نے نواز شریف کو مالی بدعنوانی کے کیس میں نا اہل قرار دیا تھا۔
ٹیگس
