تمباکو نوشی سے متعدد دائمی امراض کا خطرہ بڑھتا ہے مگر اب اس لت کا ایک ایسا منفی اثر دریافت ہوا ہے جو دنگ کر دینے والا ہے۔

سحرنیوز/صحت: یہ انتباہ برطانیہ میں ہونے والی ایک طبی تحقیق میں سامنے آیا۔

آکسفورڈ یونیورسٹی کی تحقیق میں بتایا گیا کہ بہت زیادہ گرم چائے اور کافی پینے سے غذائی نالی کے کینسر سے متاثر ہونے کا خطرہ 3 گنا بڑھ جاتا ہے۔

یہ اس حوالے سے اب تک ہونے والی سب سے بڑی تحقیق ہے جس کے نتائج سے ثابت ہوتا ہے کہ بہت زیادہ گرم چائے اور کافی کو پینا صحت کے لیے نقصان دہ ثابت ہوسکتا ہے۔

اس تحقیق میں 9 لاکھ 80 ہزار افراد کے ڈیٹا کا تجزیہ کیا گیا جو گرم مشروبات پینا پسند کرتے تھے۔

ان افراد کی صحت کا جائزہ 14 سال سے زائد عرصے تک لیا گیا تاکہ بہت زیادہ گرم مشروبات پینے سے صحت پر طویل المعیاد بنیادوں پر مرتب اثرات کی جانچ پڑتال کی جاسکے۔

ان افراد سے تفصیلات حاصل کی گئی تھیں کہ ان کی ترجیح کیا ہوتی ہے، یعنی بہت زیادہ گرم، معتدل گرم، نیم گرم اور ٹھنڈے مشروبات پینا پسند کرتے ہیں یا نہیں۔

اس سے قبل چند دیگر تحقیقی رپورٹس میں بھی یہ بات سامنے آچکی ہے کہ بہت زیادہ گرم مشروبات کا استعمال غذائی نالی کے کینسر کا شکار بنا سکتا ہے۔

درحقیقت 70 ڈگری سینٹی گریڈ سے زیادہ گرم چائے یا کافی پینے سے اس کینسر سے متاثر ہونے کا خطرہ بڑھتا ہے۔

محققین نے بتایا کہ ہم نے بہت زیادہ گرم مشروبات کے استعمال اور غذائی نالی کے کینسر کے خطرے کے درمیان واضح تعلق کو دریافت کیا۔

انہوں نے کہا کہ بہت زیادہ گرم مشروبات کے استعمال سے غذائی نالی کے کینسر کی ایک قسم ایس سی سی کا خطرہ بڑھتا ہے جبکہ دوسری قسم اے سی کا خطرہ نہیں بڑھتا۔

انہوں نے مزید بتایا کہ نتائج سے واضح ہوتا ہے کہ بہت زیادہ گرم چائے یا کافی کے استعمال سے ایس سی سی سے متاثر ہونے کا خطرہ 3 گنا بڑھ جاتا ہے۔

2016 میں عالمی ادارہ صحت سے منسلک انٹرنیشنل ایجنسی فار ریسرچ آن کینسر نے بتایا تھا کہ بہت زیادہ گرم مشروبات لوگوں کے لیے کینسر کا باعث بن سکتے ہیں، کیونکہ ممکنہ طور پر حرارت سے غذائی نالی کے خلیات متاثر ہوتے ہیں۔

محققین کے مطابق بہتر ہوگا کہ بہت زیادہ گرم چائے یا کافی کو کچھ ٹھنڈا کرکے پینا عادت بنائیں تاکہ اس جان لیوا مرض کا خطرہ کم ہوسکے۔

البتہ انہوں نے تسلیم کیا کہ تحقیق کسی حد تک محدود ہے کیونکہ اس کی وجہ واضح نہیں ہوسکی اور تصدیق کے لیے مزید تحقیق کی ضرورت ہے۔

اس تحقیق کے نتائج انٹرنیشنل جرنل آف کینسر میں شائع ہوئے۔

ہمیں فالو کریں:

Follow us: Facebook, X, instagram, tiktok  whatsapp channe