نیوزی لینڈ کی کریکٹ ٹیم نے اپنی فتوحات کا شاندار سلسلہ جاری رکھتے ہوئے تین ایک روزہ میچوں کی سیریز کے پہلے میچ میں عالمی چمپیئن آسٹریلیا کو بھی بری طرح شکست دے دی-

آکلینڈ میں کھیلے گئے سیریز کے پہلے میچ میں آسٹریلیا کی ٹیم نے ٹاس جیت کر پہلے نیوزی لینڈ کو بیٹنگ کی دعوت دی - نیوزی لینڈ کی ٹیم نے پہلے بیٹنگ کرتے ہوئے مقررہ پچاس اوروں میں آٹھ وکٹوں کے نقصان پر تین سو سات رن بنائے - مارٹن گپٹل نے نوے رن کی جارحانہ اننگ کھیلی - تین سو آٹھ رن کے ہدف کے تعاقب میں آسٹریلیا کی ٹیم شروع سے ہی بے بس نظر آئی اور صرف اکتالیس رن کے مجموعی اسکور پر اس کے چھے کھلاڑی آؤٹ ہو گئے تھے - اور پوری ٹیم ایک سو اڑتالیس رن پر ہی سمٹ گئی یوں نیوزی لینڈ نے سیریز کا پہلا میچ ایک سو انسٹھ رنوں سے جیت لیا -