پاکستان سپر لیگ کے ایک میچ میں کوئٹہ گلیڈی ایٹر نے کراچی کنگز کو پانچ وکٹوں سے ہرا دیا۔

اسپورٹس ڈیسک کے مطابق کراچی کنگز نے سپرلیگ کے چودہویں میچ میں پہلے بیٹنگ کرتے ہوئے کوئٹہ گلیڈی ایٹر کو ایک سو ستا‏ئیس رن کا ہدف دیا۔ کوئٹہ گلیڈی ایٹر نے اٹھارہ اعشاریہ پانچ اورز میں پانچ کھلاڑیوں کے نقصان پر مطلوبہ ہدف پورا کر لیا۔ کوئٹہ گلیڈی ایٹر کے احمد شہزاد نے سب سے زیادہ اکتالیس رن بنائے۔ کیون پیٹرسن نے چھبیس، لیوک رائٹ نے گیارہ، گرانٹ ایلیئٹ نے پانچ رن بنائے۔ کپتان سرفراز احمد نے انتیس جبکہ انور علی نے پانچ رن بنائے اور وہ ناٹ آؤٹ رہے۔ کراچی کنگز کی جانب سے اسامہ میر نے دو جبکہ شکیب الحسن اور عماد وسیم نے ایک ایک کھلاڑی کو آوٹ کیا۔