آلا گل جھیل ایران کے صوبہ گلستان کے شہر گنبدکاووس کے نواح میں واقع ہے۔نمکین پانی کی یہ جھیل اپنے حسین و جمیل افسانوی مناظر کی وجہ سے مشہور ہے۔

صوبہ گلستان میں واقع آلاگل جھیل کی جغرافیائی پوزیشن

آلاگل جھیل کا رقبہ 25 مربع کلومیٹرہے اور اس کی زیادہ سے زیادہ گہرائی ڈھائی میٹر ہے۔

اس جھیل کو 1975 میں رامسر کنوینش کے تحت عالمی جھیل کا درجہ دیا گیا تھا اور اسے ماحولیاتی تحفظ حاصل ہے۔

آلاگل جھیل میں مختلف اقسام کی مچھلیاں اور دیگر آبی جانور کثرت سے پائے جاتے ہیں۔

یہ جھیل سردیوں کے موسم میں ہجرت کرنے والے پرندوں کی میزبانی کرتی ہے

اور یہ پرندے اس کے ساحلوں پر انڈے پچے بھی دیتے ہیں۔

اس جھیل کے ارد گرد مختلف اقسام کے پھول اور جڑی بوٹیاں بھی کثرت سے پائی جاتی ہیں۔