اقوام متحدہ کے ڈپٹی سیکریٹری جنرل جان الیاسون نے دنیا میں انسان دوستانہ امداد کی بڑھتی ہوئی ضروریات پر تشویش کا اظہار کیا ہے۔

اقوام متحدہ کے ڈپٹی سیکریٹری جنرل جان الیاسون نے منگل کے روز اعلان کیا کہ دنیا میں ساڑھے بارہ کروڑ لوگوں کو انسان دوستانہ امداد کی اشد ضرورت ہے۔ انھوں نے بڑھتی ہوئی اس ضرورت کی وجہ گذشتہ ایک عشرے کے دوران جنگوں میں تین گنا اضافہ ہونا قرار دیا۔ اقوام متحدہ کے اس عہدیدار کے مطابق انسان دوستانہ امداد کی اسّی فیصد ضروریات، جنگ و خونریزی، آب و ہوا کی تبدیلی، قحط و خشک سالی اور قدرتی آفات کے نتیجے میں پیدا ہوئی ہیں۔