صیہونی حکومت نے روس کی جانب سے شام کو ایس تھری ہنڈریڈ اینٹی میزائل سسٹم کی فراہمی پر شدید برہمی کا اظہار کیا ہے۔

 اسرائیل کے وزیرجنگ اویگدر لیبر مین نے اپنے ایک بیان میں شام کو ایس تھری ہنڈریڈ میزائل سسٹم کی  فراہمی پر تشویش ظاہر کرتے ہوئے کہا ہے کہ شام پر حملے جاری رکھنے کے سوا ہمارے پاس کوئی آپشن نہیں ہے۔
 دوسری جانب روسی وزیر دفاع سرگئی شویگو نے منگل کے روز باضابطہ طور پر اعلان کیا ہے کہ  ایس تھری ہنڈریڈ میزائل سسٹم شام کے حوالے کر دیا گیا ہے۔
 اسرائیل متعدد بار دہشت گردوں کی حمایت میں شامی فوج کے ٹھکانوں پر بمباری کر چکا ہے۔
گزشتہ ماہ ستمبر میں بھی صیہونی حکومت نے شمال مغربی شام کے شہر لاذقیہ اور دمشق کے بین الاقوامی ہوائی اڈے پر میزائیلوں سے حملہ کیا تھا تاہم شامی فوج کے ایر ڈیفینس یونٹوں نے اسرائیل کے میزائیلوں کو مار گرایا تھا۔