چین نے عالمی ادارۂ صحت کے ماہرین کو کورونا وائرس کی ابتدا اور اس کے پھیلاؤ کے بنیادی اسباب سے متعلق تحقیقات کرنے کی اجازت دے دی ہے۔ اس مقصد کے لیے عالمی معاینہ کار رواں ہفتے چین کا دورہ کریں گے۔

چینی حکام نے پیر کے روز اعلان کیا ہے کہ عالمی ادارۂ صحت کے تحقیقاتی کمیشن کے ماہرین جمعرات کے روز اپنے چینی ہم منصبوں سے ملاقات کریں گے۔

بظاہر چین کے شہر ووہان سے پھیلنے والے اس خطرناک وائرس کے بارے میں چينی حکام امریکہ کو مورد الزام ٹہراتے رہے ہیں۔

ووہان شہر میں اس وبا کے انکشاف سے قبل ایک یورپی ملک میں کورونا سے دو ایک افراد کی اموات کی خبریں میڈیا پر آ چکی ہیں۔