Nov ۰۹, ۲۰۱۹ ۱۸:۵۳ Asia/Tehran
  • مغربی ممالک شامی عوام کو نقصان پہنچا رہے ہیں، بشار اسد

شام کے صدر بشار اسد نے مغربی ملکوں کی جانب سے عائد کی جانے والی پابندیوں پر کڑی نکتہ چینی کرتے ہوئے کہا کہ مغربی ممالک پابندیوں کے ذریعے شامی عوام کو نقصان پہنچا رہے ہیں۔

روس ٹیلی ویژن کو انٹرویو دیتے ہوئے صدر بشار اسد کا کہنا تھا کہ مغربی ملکوں کی توقع کے برخلاف شامی عوام نے بحران کے مختلف مرحلوں میں قانونی ملک کی حکومت کی حمایت اور دہشت گردوں کے خلاف جنگ کی ہے۔
صدر بشار اسد نے یورپی یونین اور ترک صدر کے درمیان تعلقات کے بارے میں کہا کہ اردوغان کے حوالے سے یورپی یونین کا رویہ ریاکارانہ ہے۔
انہوں نے کہا کہ یورپی یونین کی مشکل یہ ہے کہ وہ ترک صدر سے ہراساں بھی ہے اور ساتھ اسے ان کی ضرورت بھی ہے۔
 شام کے صدر نے واضح کیا کہ یورپی ممالک ایک جانب بحران شام کے نتیجے میں ترکی میں پناہ لینے والے شامی شہریوں کی یورپ مہاجرت سے ڈرتے ہیں اور دوسری جانب شام میں لڑنے والے دہشت گردوں کی حمایت بھی کرتے ہیں۔ 
انہوں نے کہا یورپ کو سب سے بڑا خطرہ ان ہزاروں دہشت گردوں سے لاحق ہے جن کی وہ خود حمایت کر رہا ہے۔
صدر بشار اسد کا انٹرویو پیر کے روز رشیا ٹوڈے سے نشر کیا جائے گا۔ 

ٹیگس

کمنٹس