ہندوستان کی وزارت دفاع کے ترجمان نے پاکستان پر کشمیر کنٹرول لائن پر جنگ بندی کی خلاف ورزی کاالزام لگایا ہے۔

ارنا کی رپورٹ کے مطابق ہندوستان کی وزارت دفاع کے ترجمان منیش مہتا نے کہا کہ پاکستانی فوجیوں نے جمعے کو کشمیر کنٹرول لائن کی خلاف ورزی کرتے ہوئے ہندوستان کے فوجی اڈوں اور عام شہریوں پر گولہ باری کی۔
ہندوستان کی وزارت دفاع کے ترجمان نے مزید کہا کہ ہندوستانی بارڈر سیکورٹی فورس نے بھی اس فائرنگ کا جواب دیتے ہوئے پاکستانی فوجی اڈوں کو نشانہ بنایا۔
ہندوستان اور پاکستان ہمیشہ ہی ایک دوسرے پر کشمیرکنٹرول لائن پر جنگ بندی کی خلاف ورزی کا الزام لگاتے ہیں۔
دوہزار تین کے جنگ بندی معاہدے کے باوجود کنٹرول لائن پر ہندوستانی اور پاکستانی فوجیوں کے درمیان فائرنگ ہوتی رہتی ہے۔