ہندوستان کی ریاستوں مہاراشٹر اور ہریانہ میں اسمبلی انتخابات کے لئے پیر کو ووٹ ڈالے گئے

ہندوستانی میڈیا کے مطابق مہاراشٹر اور ہریانہ دونوں جگہ بی جے پی کی حکومتیں ہیں اور حکومت میں دوبارہ واپسی بے جے پی کے لئے ایک چینلج ہے جبکہ اپوزیشن بھی اپنی ساکھ بچانے میں لگی ہوئی ہے - ریاست مہاراشٹر کی اسمبلی میں دو سواٹھاسی نشستیں ہیں جہاں بی جے پی اور شیوسینا اتحاد کا مقابلہ کانگریس اور این سی پی اتحاد سے ہے - دوسری جانب ریاست ہریانہ کی اسمبلی کی نوے سیٹیوں کے لئے ووٹ ڈالے گئے یہاں سیدھا مقابلہ بی جے پی اور کانگریس کے درمیان ہے اور ان جماعتوں نے کسی دوسری جماعت سے اتحاد نہیں کیا ہے ۔ دونوں ریاستوں کے اسمبلی انتخابات کے نتائج چوبیس اکتوبر کو آئیں گے ۔