ان دنوں میڈیا اور سوشل میڈیا پر ہندوستان سے آنے والی خبروں، تصویروں اور ویڈیوز نے تہلکہ مچا رکھا ہے۔ اس ملک میں جس طرح کورونا بے قابو ہوا ہے، ایسا کسی نے سوچا بھی نہیں تھا۔ آزاد میڈیا اور بہت سے تجزیہ نگاروں کا ماننا ہے کہ ہندوستان میں جاری کورونا کی حالیہ شدید لہر میں ’’ کمبھ میلہ‘‘ اور اس موقع پر ہونے والا مذہبی اشنان یا غسل بڑا دخیل رہا ہے جہاں قریب تیس لاکھ افراد کورونا گائڈ لائنز کا خیال رکھے بغیر اکٹھا ہوئے، جس کے نتیجے میں بعض ریاستوں منجملہ اترپردیش میں کورونا بڑی تیزی سے پھیلا۔