ایران: رضاکار فورس بسیج کی فوجی مشقیں شروع
Sep ۰۳, ۲۰۱۵ ۱۳:۳۴ Asia/Tehran
-
ایران کی رضاکار فورس بسیج کی فوجی مشقیں شروع
اسلامی جمہوریہ ایران کے دارالحکومت تہران میں رضاکار فورس بسیج کے پچاس ہزار اہلکاروں کی فوجی مشقیں شروع ہو گئی ہیں۔
اسلامی جمہوریہ ایران کے دارالحکومت تہران میں واقع ولایت نامی وسیع عریض پارک میں سپاہ پاسداران انقلاب اسلامی کے ڈپٹی کمانڈر انچیف بریگیڈیئر حسین سلامی کی موجودگی میں "اقتدار ثاراللہ" کے نام سے رضاکار فورس بسیج کے پچاس ہزار اہلکاروں کی فوجی مشقوں کا آغاز ہو گیا ہے۔ان مشقوں میں بسیج کے ثاراللہ ہیڈ کوارٹر کے امام علی(ع)، امام حسین (ع) عاشورا، الزہرا (ع) اور بیت المقدس بریگیڈ کی مختلف بٹالین حصہ لے رہے ہیں۔
رضاکار فورس بسیج کی مشقوں کی افتتاحی تقریب میں صوبہ تہران کی سپاہ پاسداران کے بعض کمانڈر بھی موجود تھے۔
