جنوبی کوریا کے ایٹمی وفد نے اسلامی جمہوریہ ایران کے ساتھ تعاون کو فروغ دینے کے لیے اپنے ملک کی آمادگی کا اعلان کیا ہے۔

ارنا کی رپورٹ کے مطابق جنوبی کوریا کے نائب وزیر صنعت، تجارت اور توانائی ہی بونگ چائہ اور ان کے ہمراہ وفد نے تہران میں ایران کے ایٹمی توانائی کے ادارے کے بین الاقوامی امور کے سربراہ بہروز کمال وندی سے ملاقات کی جس میں دونوں فریقوں نے دو طرفہ تعاون کو فروغ دینے پر زور دیا۔

جنوبی کوریا کے نائب وزیر صنعت، تجارت اور توانائی نے ایران اور جنوبی کوریا کے بڑھتے ہوئے تعلقات اور دونوں ملکوں کے اقتصادی، ثقافتی اور صنعتی تعاون کے ماضی کی طرف اشارہ کرتے ہوئے ایٹمی سیکورٹی سمیت ایٹمی تعاون کو دونوں ملکوں کے تعلقات کے فروغ میں تیزی لانے کے لیے پہلا قدم قرار دیا اور امید ظاہر کی کہ مستقبل میں اس میں مزید اضافہ ہو گا۔