ایران کی وزارت خارجہ نے امریکہ کی جانب سے مداخلت پسندانہ زبان سے استفادے اور ایک قرارداد کے مسودے میں خلیج فارس کے لیے جعلی نام کے استعمال پرسخت اعتراض کیا ہے۔

تہران میں وزارت خارجہ کے پریس ڈیپارٹمنٹ نے بدھ کے روز ایک یادداشت جاری کی ہے جس میں خلیج فارس کے سیکورٹی معاملات میں امریکی مداخلت کو سختی کے ساتھ مسترد کیا گیا ہے۔

ایران کی وزارت خارجہ کی جاری کردہ اس یادداشت میں آیا ہے کہ اسلامی جمہوریہ ایران، خلیج فارس کی سلامتی اور استحکام کے لیے جو ضروری ہوگا اسے انجام دے گا۔

ایران کی وزارت خارجہ کی یہ یادداشت ایران میں امریکی مفادات کی نگرانی کرنے والے سوئٹزر لینڈ کے سفارت خانے کو بھجوادی گئی ہے۔