اسلامی جمہوریہ ایران کی وزارت خارجہ کے ترجمان نے شمالی شام کے ایک دیہات پر فرانس کے لڑاکا طیارے کی بمباری کی مذمت کی ہے

ایران کی وزارت خارجہ کے ترجمان بہرام قاسمی نے شمالی شام کے صوبہ حلب کے توخار دیہات پر فرانس کی بمباری کی مذمت کرتے ہوئے کہا ہے کہ بے گناہ عوام خاص طور پر بچوں اورعورتوں کا قتل عام چاہے وہ کسی مقصد و جواز کے تحت انجام پائے ، ناقابل قبول، قابل مذمت اور بین الاقوامی قوانین کے خلاف ہے -

قابل ذکر ہے کہ فرانس کے لڑاکاطیاروں نے شام کے صوبہ حلب کے اسٹریٹیجک شہرمنبج کے ایک دیہات توخار پر کہ جو دہشت گرد گروہ داعش کے قبضے میں ہے اور وہ وہاں کے عام شہریوں کو انسانی ڈھال کے طورپراستعمال کررہا ہے، بمباری کر کے دسیوں عام شہریوں کو ہلاک اورمتعدد کو زخمی کردیا-