ایران کے کئی صوبوں میں برف باری کا سلسلہ جاری ہے برف باری کی وجہ سے ملکی اور غیر ملکی پروازوں کا شیڈول بھی متاثر ہوا ہے۔

اسلامی جمہوریہ ایران کے کئی صوبوں میں برف باری کا سلسلہ جاری ہے۔ برف باری کی وجہ سے  تہران سمیت کئی صوبوں کے اسکولوں میں عام تعطیل کردی گئی ہے۔

ادھرٹریفک پولیس کا کہنا ہے کہ ایران کے 18 صوبوں کی شاہراہوں پر برف باری کی وجہ سے ٹریفک سست روی کے ساتھ جاری ہے جبکہ بعض علاقائی سڑکیں شدید برف باری کی وجہ سے بند ہوگئی ہیں اور سڑکوں سے برف ہٹانے اور انھیں کھولنےکا کام جاری ہے۔

دوسری جانب عوام برفباری سے لطف اندوز ہو رہے ہیں اور انہوں نے اہم تفریحی مقامات کا رخ کر لیا ہے۔