اسلامی جمہوریہ ایران کے صدر ڈاکٹر حسن روحانی نے عید سعید فطر کی مناسبت سے اپنے علیحدہ علیحدہ پیغامات میں اسلامی ممالک کے سربراہان کو مبارکباد پیش کی ہے۔

اسلامی جمہوریہ ایران کے صدر حسن روحانی نے عید سعید فطر کی مناسبت سے اپنے علیحدہ علیحدہ پیغامات میں اسلامی ممالک کے سربراہان کو مبارکباد پیش کی ہے۔ صدر مملکت حسن روحانی نے اپنے پیغامات میں رمضان المبارک کے مہینے میں الہی احکام پر عمل کے ذریعہ باطنی پاکیزگی کے حصول کو انسانی کمال کے لئے اہم قرار دیتے ہوئے کہا کہ عید سعید فطر ہمیں اتحاد، یکجہتی، ہمدردی، اخوت، برادری، تشدد اور دہشت گردی سے دوری کا درس دیتی ہے۔

 صدر حسن روحانی نے اپنے پیغام کے اختتام میں دنیا کے تمام مسلمانوں کی سعادت اور سربلندی کے لئے دعا کی۔