ایران نے شام سے امریکی فوج کے انخلاء کا خیرمقدم کیا ہے۔

اسلامی جمہوریہ ایران کے صدر کے آفس کے انچارج محمود واعظی نے صحافیوں کے ساتھ گفتگو کرتے ہوئے کہا کہ شام میں موجود امریکی فوج کے انخلا سمیت تمام غیرملکی فورسز کو جو شامی حکومت کی ہم آہنگی کے بغیر اس ملک میں موجود ہیں، شام کو چھوڑنا چاہئے۔

انہوں نے کہا کہ ہم سب کو شام کے مسائل کو پرامن مذاکرات کے ذریعے حل کرنے کی کوشش کرنی چاہئیے۔

محمود واعظی نے شامی حکومت کی اجازت کے بغیر تمام غیر ملکی فورسز کے انخلا پر زور دیتے ہوئے کہا کہ ان فورسز کی موجودگی خطے میں عدم استحکام اور بدامنی کا باعث ہے اسی لیے انہیں شام کو چھوڑنا چاہیئے۔

انہوں نے شام کے شمالی علاقوں پر ترکی کے حملے سے متعلق کہا کہ اس علاقے میں کوئی بھی فوجی اقدام خطے اور علاقائی سیکورٹی کے لیے نقصان دہ ہوگا۔