ایران کی وزارت صحت کی ترجمان نے کہا ہے کہ ملک میں کورونا کے تقریبا دو ہزار نئے مریض سامنے آئے ہیں جبکہ دو لاکھ ستاون ہزار سے زائد مریض صحتیاب ہو چکے ہیں۔

 ایران کی وزارت صحت کی ترجمان سیما سادات لاری نے منگل کے روز کورونا کے بارے میں بریفنگ دیتے ہوئے کہا ہے کہ گزشتہ چوبیس گھنٹے کے دوران دو ہزار چھے سو سڑسٹھ نئے مریضوں کا اندراج کیا گیا جن میں سے ایک ہزار چھے سو ستاسی مریضوں کو اسپتالوں میں ایڈمٹ اور باقی کو معالجے اور ضروری ہدایات کے بعد گھروں کو واپس بھیج دیا گیا۔

سیما سادات لاری نے بتایا کہ ایران میں کورونا مریضوں کی مجموعی تعداد دو لاکھ چھیانوے ہزار دو سو تہتر تک پہنچ گئی ہے اور گزشتہ چوبیس گھنٹے میں کورونا کے دو سو پینتیس مریض اپنی جان کی بازی ہار گئے جس نے مرنے والوں کی مجموعی تعداد سولہ ہزار ایک سو سینتالیس ہو گئی ہے۔

ایران کی وزارت صحت کی ترجمان کے مطابق اب تک دو لاکھ ستاون ہزار انیس مریض کورونا کو شکست دینے میں کامیاب رہے ہیں اور اسپتالوں سے ڈسچارج ہو کر اپنے گھروں کو جا چکے ہیں۔