فرزند رسول حضرت امام علی رضا علیہ السلام کی شب ولادت باسعادت کے موقع پر پورا اسلامی جمہوریہ ایران جشن و نور میں ڈوبا ہوا ہے۔

ایران کے سبھی چھوٹے بڑے شہروں سے ہمارے نمائندوں نے خبردی ہے کہ ثامن الحجج حضرت امام علی رضا علیہ السلام کی شب ولادت باسعادت کے موقع پر ہر جگہ جشن کا ماحول ہے اور کورونا پروٹوکول کی پاسداری کرتے ہوئے لوگ جشن کی محفلوں میں شریک ہیں-

مشہد میں حضرت امام رضا علیہ السلام اور قم میں جناب فاطمہ معصومہ سلام اللہ علیہا کے روضوں کو انتہائی خوبصورتی کے ساتھ سجایا گیا ہے- مشہد اور قم کے روضوں میں محافل میلاد کا بھی اہتمام کیا گیا ہے جس میں شعرا اور علما اپنے اپنے انداز میں عشرہ کرامت اور ان ایام باسعادت کی مناسبت سے فضائل و مناقب اہلبیت (ع) بیان کررہے ہیں۔