دشمن نے اگر پر مارنے کی بھی کوشش کی تو اسے نیست و نابود کردیا جائے گا: سپاہ پاسداران
Aug ۲۰, ۲۰۲۳ ۱۶:۰۵ Asia/Tehran
سپاہ پاسداران انقلاب اسلامی کے کمانڈر انچیف جنرل حسین سلامی نے کہا ہے کہ دشمن جس جگہ سے بھی حرکت کرے گا اسے اسلامی انقلاب کی مضبوط دیوار کا سامنا کرنا پڑے گا۔
جنرل حسین سلامی نے پوری دنیا میں امریکہ کی سرکردگی میں عالمی استکبار کی سازشوں اور شرپسندوں کی طرف اشارہ کرتے ہوئے کہا کہ امریکہ ہر دور سے زیادہ پستی اور زوال کی جانب گامزن ہے اور دشمن کمزوری کی انتہا پر ہے۔
انہوں نے کہا کہ اگر گذشتہ 45 سال کی تاریخ پر ایک نظر ڈالی جائے تو دشمن زیادہ کمزور اور مزاحمتی محاذ زیادہ مضبوط ہوا ہے۔
جنرل حسین سلامی نے کہا کہ اسرائیل کی حکومت 1967 کی نسبت زیادہ کمزور جبکہ حزب اللہ اس دور کی نسبت زیادہ مضبوط اور طاقتور ہوئی ہے۔
