عراق کے صوبے الانبار میں عراقی لڑاکا طیاروں کے حملے میں داعش کے تیرہ عناصر ہلاک ہو گئے

رپورٹ کے مطابق عراقی لڑاکا طیاروں نے صوبہ الانبارکے مرکز الرمادی شہر کے جنوب میں داعش دہشت گردوں کے ٹھکانوں پر حملہ کر کے اس گروہ کے تیرہ دہشت گردوں کو ہلاک اور چھے دیگر کو زخمی کر دیا- عراقی ذرا‏‏‏‏ئع کے مطابق ان ہوائی حملوں میں داعش کی تین گاڑیوں اور اس کے ٹھکانوں کو بھی تباہ کردیا-

واضح رہے کہ داعش دہشت گرد گروہ، مہینوں قبل سے شہر الرمادی کا کنٹرول سنبھالے ہوئے ہے اور اس شہر میں تقریبا ہر روز عراقی فوج اور داعش دہشت گردوں کے درمیان جھڑپیں ہو رہی ہیں اور عراقی فوج کے لڑاکا طیارے مسلسل اس شہر میں داعش کے ٹھکانوں کو اپنے حملوں کا نشانہ بنا رہے ہیں-