سعودی عرب کے جنگی طیاروں نے گذشتہ چوبیس گھنٹوں کے دوران شمال مغربی یمن میں واقع صوبے صعدہ پر پچاس بار وحشیانہ بمباری کی۔

المسیرہ ٹی وی کی رپورٹ کے مطابق سعودی عرب کے جنگی طیاروں نے بدھ کی رات صعدہ شہر میں ایک پٹرول پمپ کو نشانہ بنایا جس کے نتیجے میں تین افراد شہید اور آٹھ دیگر زخمی ہو گئے۔ صوبے صعدہ کے شہر مجز میں بھی ایک گھر پر سعودی عرب کی جارحیت میں دو عورتیں شہید ہو گئیں۔ سعودی عرب کی وحشیانہ جارحیت کے جواب میں یمنی فوج کے نشانہ بازوں نےبھی سعودی عرب کے جنوبی علاقے میں واقع جیزان کی فوجی چھاؤنی میں چار سعودی فوجی اہلکاروں کو ہلاک کر دیا۔