صیہونی حکومت نے آج علی الصبح ایک بار پھر شام کی جولان کی پہاڑیوں پر بمباری کی ہے

رپورٹ کے مطابق صیہونی حکومت کی فوج کے ترجمان نے اعلان کیا ہے کہ اسرائیلی فوج کی فضائیہ نے شمالی جولان کی پہاڑیوں پر شامی فوج کے اڈے کو کئی بار اپنی جارحیت کا نشانہ بنایا -

اتوار کو بھی صیہونی جنگی جہازوں نے جولان کی پہاڑیوں پر واقع شامی فوج کے ٹھکانوں پر بمباری کی تھی- گذشتہ ساڑھے پانچ سال سے جاری بحران شام کے بعد صیہونی فوج اب تک کئی بار دمشق مخالف دہشت گردوں کی حمایت سے شامی فوج کے اڈوں کونشانہ بنا چکی ہے-

اسرائیل نے انیس سو سڑسٹھ کی جنگ میں جولان پر قبضہ کرلیا تھا اور انیس سواکاسی میں اسے اپنی سرزمین میں شامل کر لیا تھا تاہم عالمی برادری نے صیہونی حکومت کے اس اقدام کو اب تک تسلیم نہیں کیا ہے-