چہلم امام حسین میں شرکت کے لیے اب تک بیس لاکھ زائرین ایران کی تین سرحدی گزرگاہوں سے عراق میں داخل ہو گئے ہیں۔

یہ بات عراق میں متعین ایران کے سفیر ایرج مسجدی نے جنوب مغربی ایران کی سرحدی گزرگاہ شلمچہ کے معائنے کے موقع پر صحافیوں سے بات چیت کرتے ہوئے کہی۔
انہوں نے کہا کہ زائرین کی آمد کے سلسلے کو دیکھتے ہوئے توقع ہے کہ آئندہ چند روز کے دوران مزید تین سے چار لاکھ زائرین ایران کی سرحدی گزرگاہوں سے چہلم امام حسین میں شرکت کے لیے عراق میں داخل ہو جائیں گے۔
ایران کے سفیر نے کہا کہ تہران اور بغداد کے درمیان ہونے والی ہم آہنگی اور تعاون کے نتیجے میں دونوں ملکوں کے درمیان واقع تین اہم گزرگاہوں سے زائرین کی آمد کا سلسلہ جاری ہے اور انہیں ہرممکن سہولت فراہم کی جا رہی ہے۔