فلسطین کی وزارت صحت کے ترجمان نے کہا ہے کہ کل غزہ کی پٹی پر صیہونی فوجیوں کی فائرنگ سے 2 فلسطینی شہید اور 14 زخمی ہوگئے۔

فلسطین کی وزارت صحت کے ترجمان اشرف القدره نے غزہ میں کہا کہ کل غزہ پٹی پرغاصب صیہونی فوجیوں کی فائرنگ سے 2 فلسطینی نبیل مروان الخضری اور شادی حمدان الکاشف شہید اور 14 فلسطینی زخمی ہوگئے۔

غزہ کی سرحد پر اسرائیلی فوج کی فائرنگ کے نتیجے میں شہید ہونے والے فلسطینی شہریوں کی تعداد 20 تک پہنچ گئی ہے۔

 اطلاعات کے مطابق احتجاجی مظاہروں کا نیا سلسلہ آج سے دوبارہ شروع ہو گا جس کے بعد خدشات ہیں کہ اسرائیلی فوج اور فلسطینی مظاہرین کے درمیان جھڑپوں میں اضافہ ہو سکتا ہے۔ آج مظاہروں میں دوبارہ ہزاروں فلسطینی شہریوں کی شرکت کا امکان ہے۔