سعودی جیلوں میں قید خواتین کی رہائی کا مطالبہ
Mar ۰۷, ۲۰۱۹ ۱۲:۱۸ Asia/Tehran
ایمنسٹی انٹر نیشنل کا سعودی عرب کی جیلوں سے خواتین قیدیوں کی رہائی کا مطالبہ کیا ہے۔
الجزیرہ کی رپورٹ کے مطابق ایمنسٹی انٹرنیشنل نے سعودی عرب کی خوفناک جیلوں سے خواتین قیدیوں کی رہائی کا مطالبہ کرتے ہوئے تمام رکن ممالک سے کہا ہے کہ وہ سعودی عرب کی جیلوں میں قید خواتین کی آزادی کے سلسلے میں اپنا کردار ادا کریں۔
ایمنسٹی انٹر نیشنل نے دنیا کے ممالک سے کہا ہے کہ وہ سعودی عرب کی جیلوں میں قید خواتین کو آزاد کرانے کے لئے سعودی عرب پر دباؤ ڈالیں۔
ایمنسٹی انٹرنیشنل کا کہنا ہے کہ سعودی عرب اصلاحات کے نام پر اپنے شہریوں کے حقوق کو پامال کررہا ہے۔
واضح رہے کہ سعودی عرب میں آل سعود کی حکومت خواتین کے ساتھ ساتھ اس ملک کی شیعہ برادری کے حقوق بھی پامال کر رہی ہے اور ہزاروں کی تعداد میں بے گناہ عوام کو جیلوں میں قید کر کے ایذائیں دی جاتی ہیں۔
