اسرائیل کی جارحیت کے جواب میں فلسطین کی مزاحمتی قوتوں نے اڑتالیس گھنٹے سے بھی کم کے عرصے میں مختلف صیہونی بستیوں پر چھے سو کے قریب راکٹ برسائے ہیں جس کے نتیجے میں کم سے کم پانچ صیہونی ہلاک اور درجنوں زخمی ہوئے ہیں۔

صیہونی بستی عسقلان پر فلسطینی مزاحمتی قوتوں کے راکٹ حملوں میں بھی کم سے کم چار صیہونی زخمی ہوئے ہیں جن میں سے دو کی حالت نازک ہے۔

اسرائیلی ذرائع ابلاغ نے بھی اعتراف کیا ہے کہ اتوار کی دوپہر کیے جانے والے صرف ایک حملے میں بئرالسبع، اشدود، اشکلون اور دیگر علاقوں کی جانب  کم سے کم پچاس راکٹ  فائر ہوئے ہیں۔