افغانستان کے شہر مزار شریف پر بھی طالبان کا قبضہ ہوگیا۔

طالبان کے ترجمان ذبیح اللہ مجاہد نے ٹوئٹر پر اعلان کیا ہے کہ صوبہ بلخ کا مرکزی شہر مزار شریف پوری طرح طالبان کے تسلط میں آگيا ہے۔

کہا جاتا ہے کہ سقوط مزار شریف سے پورے افغانستان پر طالبان کے قبضے کا راستہ ہموار ہوگیا ہے۔

مزار شریف پر طالبان کا قبضہ ایسی حالت میں ہوا ہے کہ سرکاری افواج پوری طاقت سے اس شہر کا دفاع کر رہی تھیں ۔طالبان نے گزشتہ چند دنوں میں ہرات اور قندھار سمیت افغانستان کے بڑے حصے پر قبضہ کرلیا ہے۔

اس وقت افغانستان کے چونتیس میں سے بیس صوبوں پر طالبان کا قبضہ ہو چکا ہے ۔