ترک صدر کی اقتصادی پالیسی کے خلاف مظاہرہ، 40 افراد گرفتار
Nov ۲۵, ۲۰۲۱ ۰۷:۳۲ Asia/Tehran
ترکی کے شہر استنبول میں ترک صدر کی اقتصادی پالیسی کے خلاف احتجاجی مظاہرہرین پر پولیس نے ہلہ بول کر 40 سے زائد افراد کو حراست میں لے لیا۔
فارس خبر رساں ایجنسی کی رپورٹ کے مطابق استنبول کے ضلع کڈیکوئی میں پولیس نے حکومت سے استعفیٰ کا مطالبہ کرنے والے مظاہرین کو منتشر کرنے کے لیے پانی کی بوچھاڑ کردی۔
مظاہرین استنبول کے اوسیلر اور باقرکوئی اضلاع میں بھی جمع ہوئے۔ پولیس نے اس چوک کی ناکہ بندی کر دی جہاں جلسے کا منصوبہ تھا ۔ ضلعی انتظامیہ نے ایک ماہ کے لیے ریلیوں پر پابندی لگا دی ہے۔
واضح رہے کہ ترکی کے صدر رجب طیب اردوغان کی اقتصادی پالیسی کے خلاف ایسے میں مظاہرے شروع ہوئے جب ترکی کی کرنسی ڈالر کے مقابلے میں کم ترین سطح پر پہنچ چکی ہے اور مہنگائی میں روز بروز اضافہ ہوتا جا رہا ہے۔
ٹیگس
