صیہونی فوجی اڈوں سے ہتھیار کیسے چوری ہوئے؟
Aug ۰۹, ۲۰۲۳ ۱۸:۱۵ Asia/Tehran
صیہونی فوج نے کہا ہے کہ اس کے فوجی اڈوں سے فوجی سازوسامان چوری ہونے کا سلسلہ جاری ہے۔
صیہونی فوج کے ترجمان نے کہا ہے کہ ایک صیہونی فوجی کو فوجی اڈوں سے ہزاروں گولیاں چوری کرنے اورانھیں بیچنے کے جرم میں سزا دی گئی ہے۔
صیہونی فوج کے ترجمان کا مزید کہنا تھا کہ شام کی مقبوضہ جولان کی پہاڑیوں میں صیہونی فوج کے اڈے کے بارے میں اطلاعات ایک صیہونی شہری کو دینے کے جرم میں ایک اور صیہونی فوجی کو سزا دی گئی ہے۔
یہ پہلی بار نہیں ہے کہ جب صیہونی فوجی اڈوں سے فوجی سازوسامان چوری کیا گیا ہے۔ چند روز قبل بھی صیہونی فوج کے ترجمان نے کہا تھا کہ صیہونی فوج کے ایک گودام سے کئی ہتھیار اور 26 ہزار گولیاں چوری کی گئیں۔
