صیہونیوں کا دعوی ہے کہ اس مسجد میں یہودیوں کے نبی حضرت یونس علیہ السلام دفن ہیں اور اس بہانے سے وہ مسجد پر قبضہ کرنے کی کوشش کر رہے ہیں۔

 صیہونی آباد کاروں اور فلسطیینیوں کے درمیان جھڑپوں میں کسی فلسطینی کے شہید یا زخمی ہونے کی تاحال کوئی اطلاع نہیں ہے۔

 دوسری جانب صیہونی فوجیوں نے شمالی الخلیل کے ایک گاؤں بیت امر پر حملہ کرکے چار فلسطینیوں کو زخمی کردیا ہے۔ صیہونی فوجی دو فلسطینی نوجوانوں کو اغوا کرکے اپنے ساتھ لے گئے ہیں۔ صیہونی فوجیوں نے مشرقی بیت المقدس میں بھی ایک کارروائی کے دوران کم سے بارہ فلسطینیوں کو اغوا کرلیا ہے۔