عراقی ذرائع نے بتایا ہے کہ مغربی صوبے الانبار میں دہشت گرد گروہ داعش کی ایک طویل سرنگ کا پتہ لگایا گیا ہے

عراق میں جنگی آپریشن کی خبریں دینے والے فوج کے پریس دفتر نے بتایا ہے کہ عراق کی عوامی رضاکار فورس نے صوبہ الانبار میں چھے کلومیٹر طویل ایک سرنگ کا پتہ لگایا ہے جو فلوجہ شہر کو بغداد بین الاقوامی شاہراہ سے ملاتی تھی - اس درمیان عراق کے انسداد دہشت گردی کے ادارے نے بھی خبر دی ہے کہ الرمادی شہر کے مرکزی علاقے کو دہشت گردوں کے قبضے سے پوری طرح آزاد کرا لیا گیا ہے - عراقی فوج اور عوامی رضاکار فورس نے گذشتہ دسمبر کے وسط میں الرمادی شہر کو آزاد کرانے کی کارروائی شروع کی تھی -