SAHAR

پاکستانی وزیردفاع نے دہشت گردانہ اقدامات کے سلسلے میں ہندوستان کوشدید تنقید کا نشانہ بنایا ہے

پاکستانی میڈیا کے مطابق پاکستان کے وزیر دفاع خواجہ محمد آصف نے ایک انٹرویو میں کہا ہے کہ دہشت گردی کے خلاف جنگ میں ہندوستان ہمارے دشمن کے ساتھ ہے۔

 خواجہ آصف کا کہنا تھا کہ ہندوستان بعض واقعات کا الزام بلاوجہ پاکستان پر لگانے کی کوشش کرتا ہے۔

پاکستانی وزیر دفاع کا کہنا تھا کہ نریندر مودی کو سمجھنا چاہیے کہ وہ وزیر اعلی نہیں وزیراعظم ہیں۔ خواجہ آصف کا کہنا تھا کہ حکومت پاکستان کسی سے بلیک میل نہیں ہو گی کشمیر پاکستان کی پالیسی کا بنیادی نقطہ ہے۔ پاکستانی وزیردفاع خواجہ آصف نے مزید کہا کہ ہم ہندوستان کی دہشت گردی کے ثبوت اقوام متحدہ کے اجلاس میں پیش کریں گے۔

وزیر دفاع خواجہ آصف کا مزید کہنا تھا کہ ہندوستان میں آزادی کی کئی سرگرم تحریکیں چل رہی ہیں۔

 ہندوستان نے گورداسپور اور گجرات جیسے واقعات کا الزام پاکستان پر عائد کرنے کی کوشش کی۔

 واضح رہے کہ پاکستان اور ہندوستان کے درمیان مسئلہ کشمیر سب سے زیادہ متنازعہ مسئلہ ہے اور دونوں ملکوں کے درمیان لڑی جانے والی تین جنگوں میں سے دو جنگیں مسئلہ کشمیر پر ہوئی تھیں اور اب بھی کشمیر کنٹرول لائن پر دونوں ملکوں کے درمیان جھڑپیں جاری ہیں-